កំលាំងនគរបាលប៉ុស្តិ៍និមិត្ត បង្ក្រាបក្រុមចែកចាយ គ្រឿងញៀន និងឃាត់ខ្លួនជនសង្ស័យបញ្ជូន មកកាន់អធិការដ្ឋាន នគរបាលក្រុងប៉ោយប៉ែត

បន្ទាយមានជ័យ : ក្រោមការ ចង្អុលបង្ហាញ ពីលោកវីរសេនីយ៍ឯក ធឹនស៊ឹុនដេត អធិការដ្ឋាន នគរបាលក្រុងប៉ោយប៉ត បានអោយកំលាំងនគរបាលតាមប៉ុស្តិ៍ នីមួយៗ ក្នុងក្រុងប៉ោយប៉ែត ប្រម៉ាញ់និងតាមចាប់ក្រុមចែកចាយ គ្រឿងញៀន ដែលស្ថុតនៅចំណុចស្ថានីយ៍ ហ្គាសតាមបណ្តោយ ផ្លូវជាតិលេខ៥ ក្នុងភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត ។ កាលពីថ្ងៃទី ០៨ ខែតុលាឆ្នាំ២០១៧ វេកាម៉ោង១១និង០០នាទី ឃាត់ខ្លួនជនសង្ស័យបាន២នាក់ ១មានឈ្មោះ តាងគង់ ភេទប្រុស អាយុ២០ឆ្នាំ រស់នៅភូមិផ្សារ កណ្តាលសង្កាត់ផ្សារកណ្តាល ក្រុងប៉ោយប៉ែត ២ ឈ្មោះ ជាវណ្ណ: ភេទប្រុសអាយុ១៧ឆ្នាំ រស់នៅភូមិជាមួយគ្នា អ្នកទាំង២ជាអ្នក ចែកចាយគ្រឿងញៀន ដកហូតបានវត្ថុតាង ម្សៅសរថ្លា ចំនួន ១២កញ្ចប់តូច និងម៉ូតូ១គ្រឿង ក្នុងការសួរនាំ របស់ កំលាំនគរបាល ជំនាញនៃអធិការដ្ឋាននគរបាលក្រុងប៉ោយប៉ែត នៅក្នុងថ្ងៃខែឆ្នាំដដែល វេលាម៉ោង ១៤និង៣០នាទី កំលាំងជំនាញ បានស្រាវជ្រាវបន្តរ ឃាត់ខ្លួនជនសង្ស័យបាន៥នាក់ទៀត បច្ចុប្បន្ន នេះ ជនសង្ស័យ ទាំងអស់និងវត្ថុតាង់ ត្រូវបានលោក វីរសេនីយ៍ ឯក ធឹនស៊ឹុនដេត អធិការដ្ឋាននគរបាលក្រុងប៉ោយប៉ែត រៀបចំឯកសារ បញ្ជូនបន្តរទៅកាន់ ការិយាល័យ ជំនាញ នៃស្នងការដ្ឋាន នគរបាល ខេត្តបន្ទាយមានជ័យ ដើម្បីចំណាត់ការបន្តរទៅកាន់តុលាការសាលាតំបូង ខេត្តបន្ទាយមានជ័យ។ ដោយ អនាគតថ្មី