ក្រុមប្រើប្រាស់ និងជួញដូរគ្រឿងញៀន ត្រូវបានកំលាំងនគរបាល ក្រុងប៉ោយប៉ែត ធ្វើការបង្ក្រាបបាន

ក្រុងប៉ោយប៉ែត ៖ ថ្ងៃទីច័ន្ទ ៩រោច ខែបឋមាសាឍ ឆ្នាំច សំរិទ្ធសក័ព.ស២៥៦២ ត្រូវនិងថ្ងៃទី៩ ខែកក្កដា ឆ្នាំ២០១៨ វេលាម៉ោង១ និង០០ នាទី ក្រោយពីមានប្រជាពលរដ្ឋល្អ បានរាយការណ៍ មកថាមានមនុស្សកំពុងប្រើប្រាស់គ្រឿងញៀន នៅចំណុចមណ្ឌល២ ភូមិប្រជាធម្មលិច។

កំលាំងនគរបាលប៉ុស្តិ៍ រដ្ឋបាលផ្សារកណ្តាល សហការជាមួយ កំលាំងការិយាល័យប្រឆាំង បទល្មើសគ្រឿងញៀន នៃអធិការដ្ឋាននគរបាលក្រុងប៉ោយប៉ែត ដឹកនាំដោយ លោកវីរសេនីយ៌ឯក ធឹនសុិនដេត អធិការដ្ឋាន នគរបាលក្រុងប៉ោយប៉ែត បានចុះទៅដល់គោលដៅ ហើយបានឃាត់ខ្លួន ជនប្រើប្រាស់គ្រឿងញៀនម្នាក់ -ឈ្មោះ រត័្ន ម៉ឺន ភេទប្រុស យកមកប៉ុស្តិ៍ដើម្បីសាកសួរ។

ក្រោយមកនៅវេលាម៉ោង២១ និង១០នាទី កម្លាំងប៉ុស្តិ៍បានល្បាតក្នុងភូមិសាស្រ្ត នៅចំណុចមណ្ឌល០៧ ភូមិប្រជាធម្មកើត ក៏ជួបបុគ្គលសង្ស័យ ០២ នាក់ ទៀតដែលមាន ឈ្មោះ ១-ឈ្មោះ ព្រីង សុខឃា ហៅ ភា ភេទ ប្រុស អាយុ ២៦ ឆ្នាំ (ជួញដូរគ្រឿងញៀន) រស់នៅមណ្ឌល០៧ភូមិប្រជាធម្មកើត -២ឈ្មោះ ហោ ប៉ាត់ ភេទ ប្រុស អាយុ ២៣ឆ្នាំ (ជួញដូរគ្រឿងញៀន) រស់នៅមណ្ឌល៧ភូមិប្រជាធម្មកើត បានសារភាព ថាខ្លួនបានទិញគ្រឿងញៀន ពីឈ្មោះ មូល ភក្តី ហៅ ដាយ ភេទប្រុស អាយុ ១៨ឆ្នាំ រស់នៅភូមិមិត្តភាព សង្កាត់ប៉ោយប៉ែត យកមកលក់បន្តរ បន្ទាប់មកនៅវេលាម៉ោង១០ និង៣០នាទី សមត្ថកិច្ចបានស្រាវជ្រាវ រហូតឈានដល់ការ ឃាត់ខ្លួនឈ្មោះ មូល ភក្តី ហៅ ដាយ (ជួញដូរគ្រឿងញៀន) នៅចំណុចមណ្ឌល១០ ភូមិប្រជាធម្មកើត រកឃើញម្ស៉ៅក្រាមពណ៌សថ្លា ១កញ្ចប់ (មូយថៃ)។

នៅពេលនេះ សមត្ថកិច្ចកំពុងសាកសួរ និងចាត់វិធានការបន្តរ តាមនីតិវិធីនៃច្បាប់។ ដោយ អនាគតថ្មី