លោក សានស៊ានហូ អភិបាលក្រុងប៉ោយប៉ែត បានដឹកនាំក្រុមការងារអាជ្ញាធរ និងសមត្ថកិច្ច ចុះសំអាត ឈួសឆាយផ្លូវ ជូនពលរដ្ឋតាមពាក្យសំដី ដែលលោកបានប្តេជ្ញា

បន្ទាយមានជ័យ ៖ ថ្ងៃអង្គា ៩រោច ខែមិគសិរ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី១២ ខែធ្នូ ឆ្នាំ២០១៧ លោក សាន ស៊ានហូ ជាអភិបាលក្រុងប៉ោយប៉ែតថ្មី ដែរទើបតែបាន ទទួលតំណែង ដែលរាជរដ្ឋាភិបាលកម្ពុជា ប្រកាស់តែងតាំង លោកជាអភិបាលនៃគណៈ អភិបាល ក្រុងប៉ោយប៉ែត កាលពីថ្ងៃទី១១ ខែធ្នូ ឆ្នាំ២០១៧ ថ្មីៗ នេះ លុះដល់ព្រឹកថ្ងៃទី១២ ខែធ្នូ ឆ្នាំ២០១៧ លោក អភិបាលក្រុង បានដឹកនាំ កំលាំងសមត្ថកិច្ច មន្ត្រីរាជកា គ្រប់ស្ថាប័ន និងអាជ្ញាធរ នៅក្នុងក្រុង សង្កាត់ប៉ោយប៉ែតទាំងអស់ ចុះបោសសំអាត និងលាង ថ្នល់នៅតាមបណ្តោយ ផ្លូវជាតិលេខ៥ ក្នុងក្រុងប៉ោយប៉ែត ដើម្បីអោយមាន សោភ័ណ្ឌភាព នៅក្នុងទីក្រុង ។

ពិសេសទៅទៀតផងនោះក្រុមការងារលោក បានចុះធ្វើការពន្យល់ បងប្អូនប្រជាពលរដ្ឋ អោយចេះជួយ ចូលរួមសហការ ការធ្វើអនាម័យ សំរាមតាមមុខផ្ទះ ការលក់ដូរ តាមចញ្ចើមថ្នល់ អោយមានរបៀបរៀបរយ និង ក្រុមហ៊ុនដែលមានការចតឡានតាមចញ្ចើមផ្លូវ រទេះលក់ដូរដែលដាក់ មកលើថ្នល់ និងសុំអោយប្រជាពលរដ្ឋ ប្រើប្រាស់ ធុងសំរាម និងមានការវិចខ្ចប់ សំរាមដាក់ក្នុងធុង អោយបានល្អរ ។

នៅក្នុងនោះផងដែរ  លោក អភិបាលក្រុង ក៏បានចុះ ដឹកនាំគ្រឿងចក្រ ទៅឈួសឆាយ និងពិនិត្យផ្លូវបេតុង ដែលត្រូវ ស្ថាបនាបន្តរ ដែលស្ថិតក្នុងផ្លូវសហពន្ធ័ ដែលមានព្រំប្រទល់ ជាប់សង្កត់ផ្សារកណ្តាល និងសង្កាត់ប៉ោយប៉ែត (ផ្លូវ ស្តង់តាងួន) ដោយមាន គ្រោងការ ចាក់បេតុងបន្តរ ចាប់ពីចុង ក្លឹបកម្សាន្ត ពន្លឺនាគទិព្វ ទៅទល់និងផ្លួវបេតុង ក្នុងភូមិប្រជាធម្ម ដែលធ្វើអោយមានភាពងាយស្រួល ដល់ការធ្វើដំណើរ ចរាចរណ៍ មិនអោយមានការកកស្ទះ និងមានភាពងាយស្រួលដល់បងប្អូន ប្រជាពលរដ្ឋមានជម្ងឺ ឬក៏មានគ្រោះថ្នាក់ ដោយប្រការណាមួយ ត្រូវ សង្គ្រោះបន្ទាន់ ទៅកាន់មន្ទីពេទ្យបង្អែក ក្រុងប៉ោយប៉ែត ហើយម្យាង វិញទៀត ផ្លូវលំខូចខាត ដែលត្រូវ ឈួសឆាយ ជូនប្រជាពលរដ្ឋបន្តរ នៅក្នុងភូមិប្រជាធម្មលិច និងប្រជាធម្ម កើត សរុប ជិត២០ គីឡូ មែត ត្រូវបាន លោក សានស៊ាន ហូ ចុះឈួសឆាយ ជូនប្រជាពលរដ្ឋ ដែលមានការ ជួយឧបត្ថម្ភ គ្រឿងចក្រ ពីលោក សាន តេង គ្រឿងចក្រ លោក ចាង ស៊ៀវ ភាវ គ្រឿងចក្រ លោកសូចន់ណារី មេបញ្ជាករ វីរៈ ព្រំដែន ៩១១ និង ឡានដឹកទឹក ឯកឧត្តម ប៉ោ វណ្ណៈ និង សប្បុរស ជន ជាអាជីវករ និងពាណិជ្ជករផងដែ ។

ផ្លូវដែលត្រូវ ឈួសឆាយនោះ គឺ ក្នុងភូមិប្រជាធម្មលិច និងប្រជាធម្មកើត រហូតដល់ភូមិ ព្រៃគប់ផងដែរ។ យើងសង្កេតឃើញថា ការប្តេជ្ញាចិត្ត របស់លោក អភិបាលក្រុងប៉ោយប៉ែតថ្មី លោក សាន ស៊ានហូ មិនទាន់បាត់ក្តៅហុយៗផង ឃើញថាចុះ អនុវត្តន៍ ភ្លាមៗមែន ដូចពាក្យមួយឃ្លា គេបាននិយាយថា “មនុស្សអោយតែសម្តីថ្លៃហើយ គឺអ្វីៗផ្សេងទៀតវានឹងមានតម្លៃទៅជាមួយព្រមតែម្តង” ។ ដោយ អនាគតថ្មី