មហាជន តាមតុកាហ្វេ បានប្រតិកម្មខ្លាំងៗ ទៅលើប្រធានមន្ទីរ ដែនដីនគររូបនីយកម្ម ខេត្តបន្ទាយមានជ័យ ថាហេតុអ្វីបានធ្វើប្លង់ដី ជូនប្រជាពលរដ្ឋ យឺតយ៉ាវយ៉ាង?
ខេត្តបន្ទាយមានជ័យ៖ មហាជន តាមតុកាហ្វេ បានលាន់មាត់ កងរំពងថា ការធ្វើប្លង់ដី ទៅនគរដែនដី រូបនីយកម្ម គឺមានការយឺតយ៉ាង ខ្លាំងសម្បើម។ បើយោង តាមប្រភព ពីតាមតុកាហ្វេ បានឱ្យដឹងថា លោក អាង ណារិទ្ធ ឡើងជាប្រធានមន្ទីរ សូរិយោដី មិនទាន់បាន១អាណត្តិ ផងធ្វើឲ្យប្រជាពលរដ្ឋ មានការថ្នាំងថ្នាក់ យ៉ាងខ្លាំង ព្រោះប្លង់ដី ដែលយកទៅធ្វើ ហើយអ្នកខ្លះ ៣ខែ អ្នកខ្លះទៀត ៤ខែ នៅមិនទាន់បានទៀត។ មហាជន ក៍ដូចជាប្រជាពលរដ្ឋ ភាគច្រើន បានមានការងឿងឆ្ងល់ ជាខ្លាំង ថាតើមូលហេតុអី? បានជាមន្ទីរដែនដី នគររូបនីយកម្ម និងសំណង់ធ្វើឯកសារ បម្រើជូនប្រជាពលរដ្ឋ យឺតយ៉ាវខ្លាំងយ៉ាងនេះ។ មហាជន តាមតុកាហ្វេ បានឲ្យដឹងទៀតថា ការធ្វើប្លង់ដីតាមរយៈមូលដ្ឋាន គឺអស់រយៈពេលត្រឹមតែ មួយសប្តាហ៍ គឺរួចរាល់ហើយ ចូលមកដល់ ច្រកចេញ ចូលតែមួយ រយៈពេល តែ៣ថ្ងៃទៀត គឺរួចរាល់បានលឿន ជូនប្រជាពលរដ្ឋ តែហេតុអី? បានប្លង់ទាំងនោះ មកទើត្រឹមមន្ទីរនគរដែនដីរូបនីយកកម្ម ខេត្តបន្ទាយមានជ័យ? ដោយប្រើអស់រយៈពេល ៣ ទៅ ៤ ខែ ហើយខ្លះមិនទាន់ បានទៀត។ តើមានមូលហេតុអ្វី ? មហាជនសូមឲ្យលោកអាង ណារិទ្ធ ប្រធានមន្ទីរនគរ ដែនដីរូបនីយកម្ម ធ្វើការបកស្រាយ និងពន្យល់ប្រាប់ពួកគាត់ ផងថាតើ ទើនៅត្រង់ចំណុចណា? បានជាការធ្វើប្លង់ ហ្នឹងយឺតយ៉ាវ ក្នុងការបម្រើសេវាកម្ម ជូនប្រជាពលរដ្ឋ ដោយប្រជាពលរដ្ឋ ជាច្រើនតម្រូវការបន្ទាន់ ត្រូវការប្លង់ ដើម្បីដាក់ធនាគារ ដើម្បីផ្ទេរផ្ទូ ដោះដូរជាថវិកា សម្រាប់ដោះស្រាយ ជីវភាពគ្រួសារ បើសិនជា នគរដែនដី រូបនីយកម្ម នៅតែយឺតយ៉ាវ ស្ពឹកយ៉ាងនេះ តើឱ្យពួកគាត់ទៅរំពឹងអ្វី? ដោយមន្ទីរដែនដី នគររូបនីយកម្ម មិនគិតគូរ ពីផលលំបាក របស់ប្រជាពលរដ្ឋ តើបង្កើត មន្ទីដែនដីនគររូបនីយកម្មយកមកបម្រើសេវាកម្ម ជូនប្រជាពលរដ្ឋ ឬក៏ទុកឱ្យប្រជាពលរដ្ឋ ជួបទុក្ខលំបាកបែបនេះ តទៅទៀតឬ? នៅក្នុងបញ្ហានេះ ផងដែរ អ្នកសារព័ត៌មាន បានទូរសព្ទ ទៅជួបលោកអាង ណារិទ្ធ ប្រធានមន្ទីរដែនដីនគររូបនីយកម្ម ដើម្បីឲ្យពន្យល់ ក្នុងរឿងនេះ លោកប្រធានមន្ទីរបានឆ្លើយថា លោកមិនអាចបំភ្លឺ តាមទូរសព្ទបានទេ បើចង់ឲ្យបំភ្លឺទាល់ តែទៅដល់មន្ទីរដែនដីរូបនីយកម្ម ផ្ទាល់ទើបលោកនឹងបំភ្លឺជូន។ ( នៅមានត) ដោយ លោក សេង រាជសី
