អ្នកនាំពាក្យក្រសួងការពារជាតិ៖ កម្ពុជាឃ្លាំមើលយ៉ាងជិតស្និទ្ធស្ថានភាពនៅតំបន់អានសេះ បន្ទាប់ពីការដកបន្លាលួសរបស់ថៃចេញ

(ភ្នំពេញ)៖ អ្នកនាំពាក្យក្រសួងការពារជាតិ លោកស្រីឧត្តមសេនីយ៍ឯក ម៉ាលី សុជាតា បានប្រកាសនៅព្រឹកថ្ងៃទី ០៦ ខែសីហា ឆ្នាំ ២០២៥ នេះថា ស្ថានភាពតាមបណ្តោយព្រំដែនកម្ពុជា-ថៃ នៅស្ថិតក្នុងលក្ខណៈធម្មតា និងស្ងប់ស្ងាត់ជាប្រក្រតី។

យោងតាមសេចក្ដីថ្លែងការណ៍របស់លោកស្រី ក្នុងសន្និសីទសារព័ត៌មានរបស់អង្គភាពអ្នកនាំពាក្យរាជរដ្ឋាភិបាល នៅម៉ោង ១១ ព្រឹកថ្ងៃនេះ បានបញ្ជាក់ថា តំបន់អានសេះ កំពុងស្ថិតនៅក្រោមការឃ្លាំមើលយ៉ាងម៉ត់ចត់ និងប្រុងប្រយ័ត្នខ្ពស់បំផុត ពីកងកម្លាំងប្រដាប់អាវុធកម្ពុជា។

“កម្ពុជាបានអនុវត្តន៍យ៉ាងម៉ឺងម៉ាត់នូវស្មារតីនៃកិច្ចព្រមព្រៀងឈប់បាញ់ ដែលបានចុះហត្ថលេខានៅទីក្រុងពុត្រាចាយ៉ា ប្រទេសម៉ាឡេស៊ី កាលពីថ្ងៃទី ២៨ ខែកក្កដា ឆ្នាំ ២០២៥។” — លោកស្រី ម៉ាលី សុជាតា

ក្នុងកិច្ចព្រមព្រៀងនោះ បានបញ្ជាក់យ៉ាងច្បាស់ពីលក្ខខណ្ឌសំខាន់ៗ៖

1.បញ្ឈប់សកម្មភាពបាញ់គ្នា

2.មិនឲ្យមានការចល័តកងទ័ពថ្មី ឬបន្ថែមកម្លាំង

3.កងទ័ពប្រទេសទាំងពីរត្រូវនៅទីតាំងដដែល

4.បង្កើតក្រុមការងារទំនាក់ទំនង ដើម្បីសម្របសម្រួល

លោកស្រីបន្ថែមថា ក្រសួងការពារជាតិ និងរាជរដ្ឋាភិបាលកម្ពុជា មានជំហរមួយទៀងទាត់ដែលគោរពច្បាប់អន្តរជាតិ បម្រើសន្តិភាព តែព្រមជាមួយនឹងការពារបូរណភាពនៃទឹកដីដោយសេចក្ដីស្មោះត្រង់ និងកម្លាំងជាតិ។

“កម្ពុជាឧបត្ថម្ភសន្តិភាព ព្រំដែនជាមួយប្រទេសជិតខាងត្រូវជាមិត្តភាព និងការអភិវឌ្ឍ។ ប៉ុន្តែយើងមិនអន់ហយក្នុងការពារដែនដីស្របច្បាប់ផ្ទាល់ខ្លួននោះទេ។” — អ្នកនាំពាក្យក្រសួងការពារ

សេចក្ដីប្រកាសនេះ បញ្ជាក់ពីក្តីប្រាថ្នាសន្តិភាព របស់កម្ពុជា ជាពិសេសក្នុងបរិបទស្ថានការណ៍ព្រំដែនជាមួយថៃកំពុងមានការផ្លាស់ប្តូរ បន្ទាប់ពីការដកបន្លាលួសពីភាគីថៃនៅតំបន់អានសេះ។