ជនសង្ស័យម្នាក់ ត្រូវបានសមត្ថកិច្ច ឃាត់់ខ្លួនពាក់ព័ន្ធ ករណីគ្រឿងញៀន

បន្ទាយមានជ័យ ៖  ថ្ងៃទី២៨ ខែវិច្ចិការ ឆ្នាំ២០១៧ ដោយទទួលបាន សេចក្តីរាយការណ៍ ពីម្ចាស់ផ្ទះសំណាក់ ស្រេងល្អ ស្ថិតក្នុងភូមិអូរជ្រៅ សង្កាត់និងក្រុងប៉ោយប៉ែត ត្រូវកំលាំងជំនាញ ផ្នែកគ្រឿងញៀន បានចុះត្រួតពិនិត្យដល់ បន្ទប់លេខ១២ ហើយបានឃាត់ខ្លួនជនសង្ស័យម្នាក់ ឈ្មោះ ឆាយ ភក្តី ភេទប្រុស អាយុ៣៧ឆ្នាំ ស្នាក់នៅក្នុង ភូមិទួលពង្រ សង្កាត់ផ្សារកណ្តាល ក្រុងប៉ោយប៉ែត ដោយដកហូតវត្ថុតាង បានថ្នាំញៀនម្សៅក្រមសរថ្លា ១កញ្ចប់តូច ដាក់ក្នុងការបូបលុយ និងទូរស័ព្ឌ ១គ្រឿង ក្នុងនោះផងដែរ ជនសង្ស័យ បានរក្សារនូវកាតសំគាល់ខ្លូនជាអ្នកសារព័ត៌មាន ចំនួនប្រាំអង្គភាព  ដែលកាតសារព័ត៌មានទាំងនោះ បានផុតកំណត់តាំងពីឆ្នាំ២០១៤ មកម្ល៉េះ។

ក្រុមការងារ សារព័ត៌មានអនាគតថ្មី បានសុំធ្វើការសម្ភាស និងធ្វើការបកស្រាយ ពីប្រធានអង្គភាពសារព័ត៌មានទាំងនោះ  លោកបានបញ្ជាក់ថា ជនសង្ស័យខាងលើ នេះបានប្រើប្រាស់កាត់ព័ត៌មាន ដែលអស់សុពលភាព តាំងពីឆ្នាំ២០១៤ មកម្ល៉េះ ហើយជនសង្ស័យនេះមិនមែនជាសមាជិកនៅក្នុងអង្គភាពសារព័ត៌មានរបស់ខ្លូន ទៀតឡើយចាប់ពីឆ្នាំ២០១៤ មក ។

ដូច្នេះសូមអោយសមត្ថកិច្ច ចាត់វិធានការ តាមផ្លូវច្បាប់ ទៅលើបុគ្គលរូបនេះ ព្រោះជនសង្ស័យខាងលើនេះបានធ្វើអោយប៉ះពាល់នូវកិត្តិយស ឬ ក្រមសីលធម៌សារព័ត៌មាន ដល់អ្នកសារព័ត៌មាន ដ៏ទៃទៀត ដែលគេស្អាត់ស្អំ។ បច្ចុប្បន្ន សមត្ថកិច្ចកំពុងសាកសួរ និងរៀបចំឯកសារបញ្ជូន ទៅការិយាល័យជំនាញ នៅស្នងការដ្ឋាន នគរបាលខេត្តបន្ទាយមានជ័យ។ ដោយ អនាគតថ្មី